Gürcüstanda gəzməli yerlər

Gürcüstan tarix və gözəlliyin bir-birinə qarışdığı ölkədir. Dağ kəndlərindən tutmuş tarixi monastırlara qədər uzanan torpaqlara sahibdir. Qədim zamanların izləri, müasir dünyanın rəngləri bir aradadır. Batuminin tropik çimərliklərindən Kazbek dağının zirvəsindəki qədim kilsələrə qədər hər bir yer səyahətçini özünə heyran edir. Tur.az Gürcüstan səyahəti sevərlər üçün nağıl kimi məkanları sizlərə təqdim edir.

Tbilisi

Gürcüstanın paytaxtıdır. Tbilisi tarix və müasir teksturanın qovuşduöu şəhərdır. Köhnə şəhər, Narikala qalası, Sameba kafedralı və isti bulaqlar kimi əhəmiyyətli abidələrlə doludur. Tbilisi mədəniyyəti kəşf etmək istəyənlər üçün ideal bir başlanğıc nöqtəsi olacaq.

Uşquli və Svaneti bölgəsi

Svaneti Gürcüstanın ən yüksək dağlarında yerləşir. Füsunkar təbiəti və ənənəvi daş qüllələri ilə məşhurdur. Uşquli kəndi Avropanın ən hündür yaşayış məntəqəsi kimi seçilir. YUNESKO-nun Ümumdünya İrs Siyahısına daxildir. Uca dağlar bu bölgəni təbiətsevərlərə ayrı zövq yaşadır.

Batumi

Qara dəniz sahilində yerləşir. Batumi Gürcüstanın ən əhəmiyyətli istirahət mərkəzlərindəndir. Tropik iqlimi, çimərlikləri, müasir memarlıq üslubu ilə diqqət çəkir. Batumi Nəbatat bağı ilə məşhurdur. Batuminin tarixi binaları və nostalji atmosferi ziyarətçilərinə xoş anlar bəxş edir.

Vardzia

Heyrətamiz 12-ci əsrə aid mağara şəhəridir. Gürcüstanın cənubundakı Eruşeti dağında yerləşir. Tarixi kəşf etmək istəyənlər üçün əla yerdir. Vardzia bir vaxtlar kilsələri, otaqları və qayalara oyulmuş yeraltı tunelləri ilə mühüm dini mərkəzlərdən biri olub.

Mtsxeta

Tbilisidən bir qədər kənarda yerləşir. Mtsxeta Gürcüstanın ən qədim və dini baxımdan ən əhəmiyyətli şəhərlərindəndir. UNESCO-nun Ümumdünya İrs Siyahısına daxil olub. Qədim şəhərdəki Jvari Monastırı və Svetitsxoveli kafedralı öz ziyarətçilərinə tarix və dinin vəhdətini göstərir.

Kazbek dağı və Gergeti Üçlük Kilsəsi

Kazbek dağı Gürcüstanın ən yüksək və ən gözəl dağlarındandır. Gergeti Üçlük Kilsəsi bu dağın ətəyində tikilib. Bölgənin ən simvolik nöqtəsidir. Dağ mənzərələri ilə kilsəyə çatmaq unudulmaz xatirələrə zəmin yaradır.

Prometey mağarası

Gürcüstanın qərbində yerləşir. Bu dünyanın ən böyük yeraltı mağaralarından biridir. Füsunkar sarkıtları, stalaqmitləri və yeraltı gölməçələri ilə ziyarətçilərin möcüzəli hesab etdiyi ideal bir məkandır.

Ananuri qalası

Tbilisidən bir saata avtomobillə çatmaq mümkündür və şimalda yerləşir. Ananuri qəsri tarixi və vizual olaraq heyranedici bir quruluşa malikdir. Jinvali bəndinin heyrətamiz mənzərələri ilə bu qala fotoqraflar və tarix həvəskarları üçün uyğundur.

Tsinandali və üzüm bağları

Gürcüstan dünyanın ən qədim şərab istehsal edən ölkələrindən biri kimi tanınır. Tsinandali Gürcüstanın ən məşhur şərab istehsal edən rayonlarındandır. Burada şərabın dadına baxa, tarixi üzüm bağlarına baş çəkə və şərabçılığı yaxından kəşf edə bilərsiniz.

Alaverdi monastırı

Gürcüstanın Kaxeti bölgəsində yerləşir. Bu qədim monastır 6-cı əsrə aiddir. Alaverdi monastırı Gürcüstanın ən qədim dini binası kimi tarixi dəyərə sahibdir. Gücü pravoslav ənənələrini daha dərindən öyrənmək istəyənlər üçün vacib məkandır.

Tbilisi ətrafında termal bulaqlar

Tbilisinin mərkəzində yerləşir. Abanotubani hamamları şəhərin isti su bulaqlarından yararlanaraq ənənəvi gürcü hamamı mədəniyyətini yaşamağa vadar edir. Ölkə daxilində bir çox müxtəlif spa zonaları da mövcuddur.

Vaşlovani Milli Parkı

Gürcüstanın cənub-şərqində yerləşir. Park maraqlı səhra mənzərələri, qeyri-adi flora və faunası ilə tanınır. Vəhşi təbiəti və quşları seyr etmək istəyənlər üçün alternativ bir variantdır.