Qubada gəzməli yerlər
Quba Azərbaycanın şimalında yerləşir. Rayon təbiətin və tarixin birləşdiyi nadir yer kimi seçilir. Möhtəşəm dağ mənzərələri, gur meşələri və dərələri ilə ziyarətçilərinə dinclik bəşx edir. Quba zəngin mədəni irsi ilə də məşhurdur. Həm ənənəvi Azərbaycan həyatını, həm də bölgənin tarixi dərinliyini araşdırmaq istəyənlər üçün idealdır. Quba təbiət gəzintilərindən tutmuş köhnə yaşayış məntəqələrinə qədər kəşf edilməli bir çox fərqli gözəlliklər nümayiş etdirir. Quba füsunkar bölgə olmaqla bərabər, hər küncdə yerləşən yeni hekayədir. Tur.az Qubada gəzməli yerləri sizin üçün araşdırıb.
Quba qalası
Quba qalası şəhərin ən qədim tikililərindən biridir. Abidə bir növ rayonun tarixinə işıq saçır. Qalada Qubanın keçmişinə aid çoxlu artefaktlara və arxeoloji tapıntılara rast gəlmək olar. Bu qala həm şəhəri qorumaq, həm də yerli əhalinin təhlükəsizliyini təmin etmək üçün inşa edilib. Qalanı ziyarət etdiyimiz zaman yuxarıdan şəhəri seyr edərək möhtəşəm mənzərənin şahidi ola bilərsiniz.
Quba Soyqırımı Memorial Kompleksi
Quba tarix boyu bir çox hadisələrin şahidi olmuşdur. Bunlardan ən mühümü 1918-ci ildə baş vermiş Quba soyqırımıdır. Quba Soyqırımı Memorial Kompleksi bu faciəli hadisənin izlərini daşıyır. Eyni zamanda, soyqırımı qurbanlarını yad etmək üçün tikilib. Sözügedən kompleks soyqırımı şahidlərinin və onların ailə üzvlərinin xatirələrinə həsr olunmuş bir məkandır.
Quba bazarı
Qubanın ən canlı və rəngarəng yerlərindən biridir. Quba bazarı ənənəvi Azərbaycan mədəniyyətini kəşf etmək üçün çox uyğundur. Burada yerli əhali tərəfindən satılan təzə meyvə, tərəvəz, əl işləri və yerli suvenirlər tapa bilərsiniz. Bazarda gəzərkən şəhərin sosial həyatını da daha yaxından tanıyacaqsınız.
Qubada təbiət mənzərələri
Qubanı əhatə edən dağlar təbiətsevərlər və macəra axtaranların evidir. Quba dağları alpinizm, trekkinq və düşərgə kimi açıq fəaliyyətlər üçün uyğun şəraitə malikdir. Burada təbiətin bəxş etdiyi gözəlliklərdə uzun gəzintilər edin. Buradan dağların zirvəsindən möhtəşəm mənzərələri seyr edə bilərsiniz. Digər tərəfdən Qubadakı çinar 500 ildən artıq tarixə malikdir. Ağac yerli əhali tərəfindən müqəddəs sayılır. Bu çinar Qubanın tarixi-mədəni kimliyinin simvolu hesab olunur. Ağacın ətrafındakı ərazidə dincələ və ətrafı kəşf edərək bu tarixi ağaca daha yaxından nəzər sala bilərsiniz.
Afurca və Çənlibel
Afurca və Çənlibel Qubanın təbiətində saxlanan cənnətdir. Afurca möhtəşəm dağ mənzərələri, zümrüd yaşıl meşələri. təmiz havası ilə təbiətsevərlərin məşhurdur. Burada vadilərdən keçərkən qarşılaşdığınız şəlalələr və təmiz çaylar sizə əsl təbiət terapiyası verir. Çənlibel uca dağlar arasında yerləşən kənddir. Sözügedən ərazi sakitliyi və təbiətin sehri ilə insanları özünə valeh edir. Təbiətdə qalmaq, Çənlibelin kənd yollarını kəşf etmək Azərbaycanın əsrlər boyu qoruyub saxladığı gözəlliklərə hər addımda şahid olmaq deməkdir.
Qırmızı qəsəbə
Qubanın ən maraqlı yerlərindən biri Qırmızı qəsəbədir. Azərbaycanın ən böyük yəhudi məskənlərindən biri kimi tanınır. Bu şəhər böyük tarixi və mədəni əhəmiyyətə malikdir. Əsrlər boyu bu bölgədə mövcud olan yəhudi xalqı burada öz adət-ənənələrini, həyat tərzini qoruyub saxlayıb. Qırmızı qəsəbə küçələrində gəzərkən həm yerli Azərbaycan mədəniyyətinin, həm də yəhudi mədəniyyətinin ab-havası hiss olunur. Buradakı sinaqoqlar, ənənəvi əl işləri və ləzzətli yeməklər şəhərin özünəməxsus tərzini ortaya qoyur. Ziyarətçilərinə müxtəlif mədəniyyətləri birlikdə yaşamaq imkanı verən bu qəsəbə Qubanın multikulturalizmini əbədiləşdirir.
Xınalıq kəndi
Qubanın ən uca məşhur biri olan Xınalıq dağların başında məskən salıb. Bu kənd yerli adət-ənənələrin qorunub saxlandığı, təbiətin insanlarla mehriban yaşadığı yerdir. Xınalıq təkcə hündürlüyü ilə deyil, həm də sakinlərinin qonaqpərvərliyi ilə seçilir. Kəndin dar küçələrini gəzərək, onların ənənəvi evlərində yaşayan insanlarla görüşə bilərsiniz. Bölgənin tarixini daha yaxından kəşf etmək imkanınız olacaq. Xınalıq alpinizmlə maraqlananlar üçün əla yerdir. Çünki kəndin ətrafındakı dağlar gəzintiləri sevən təbiət həvəskarları üçün əla şəraitə sahibdir. Burada bütün əzəməti ilə təbiət mənzərələri, digər tərəfdən isə Xınalıq kəndi sakinlərinin həyat tərzini kəşf edin.
