Bakıda gəzməli yerlər

Bakı tarixlə müasirliyin qovuşduğu məkandır. Paytaxtımız zəngin mədəniyyəti, memarlığı və dinamik atmosferi ilə ziyarətçilərinə unudulmaz təcrübə yaşadır. Keçmişin izlərini müasir quruluşlarla birləşdirən şəhər, hər küncdə unikal və əzəmətli ilə seçilir. Qədim İçərişəhərin dar küçələrindən tutmuş müasir Alov qüllələrinə qədər hər addımla fərqli bir dünyanı ziyarət etmiş olursan. Dənizkənarı piyada yolları, dəbdəbəli ticarət mərkəzləri, incəsənət qalereyaları və tarixi binaları ilə Bakı hər bir səyahətçinin diqqətini cəlb edə bilir. Həm keçmişin, həm də gələcəyin izlərini daşıyan bu şəhər bütün turistlərə qapılarını açıq saxlayır. Tur.az Bakıda gəzməli yerləri səyahətçilərə təqdim edir.

İçərişəhər (Bakı qalası və Şirvanşahlar sarayı)

İçərişəhər Bakının ən qədim ərazisidir. Sözügedən yer UNESCO-nun Ümumdünya İrs Siyahısına daxildir. Burada tarixin izlərini aşkarlayacaqsınız. İçərişəhərin ən diqqətçəkən tikililərindən biri də Bakı qalasıdır. Bu qala şəhərin müdafiəsi üçün tikilib. Zaman keçdikcə həmin qala Bakının simvollarından birinə çevrilib. Bundan əlavə, Şirvanşahlar Sarayı İçərişəhərdə yerləşir. Burada Şirvanşahların keçmiş izlərini, həyat tərzini görmək mümkündür.

Alov Qüllələri

Bakı səmasının ən tanınan simvollarından biridir. Alov qullələri yaxud digər adı ilə "Flame Towers" şəhərin müasir həyatında mühüm yer tutur. Bu üç nəhəng qüllə gecələr işıqlandırılaraq Bakının müasir simasını simvolizə edərək alov effektini sərgiləyir. Qüllələrin başından şəhərin geniş mənzərəsini izləyəmək fürsətiniz olacaq.

Bakı bulvarı yaxud Dənizkənarı Milli Park

Bakı bulvarı həm yerli əhalinin, həm də turistlərin sevimlisidir. Burada gəzmək, velosiped sürmək və dəniz mənzərəsindən həzz almağa tələsin. Dəniz boyunca yerləşən kafelərdə çay içə və ya sadəcə təbiətin dadını çıxara bilərsiniz. Milli parkda müxtəlif muzeylər və sərgi sahələri yerləşir.

Heydər Əliyev Mərkəzi

Zaha Hadidin məşhur layihəsi olan Heydər Əliyev Mərkəzi müasir memarlığın incisidir. Bu mərkəz təkcə binası ilə deyil, həm də keçirilən sərgilər, mədəni tədbirlər və konsertlərə etdiyi ev sahibliyi ilə diqqət çəkir. Şəhərin mədəni həyatı haqqında daha çox məlumat əldə etmək istəyənlər üçün idealdır.

Ticarət mərkəzləri və ənənəvi bazarlar

Bakı həm müasir ticarət mərkəzləri, həm də ənənəvi bazarlarla zəngindir. 28 Mall, Crescent və Gənclik Mall və Park Bulvar kimi ticarət mərkəzlərində alış-veriş edə bilərsiniz. Bununla belə, şəhərin köhnə bazarlarını mütləq ziyarət edin. Bu bazarlarda Bakıya ğzəl suvenirlər və yerli məhsullar mövcuddur.

Qız qalası və dənizkənarı gəzinti

Qız qalası Bakının ən simvolik tikililərindən biridir. Qala İçərişəhərdə yerləşir. Bu qala əsrlər boyu Bakı haqqında bir çox əfsanələrə sahibdir. Qız qalasının ətrafında dənizkənarı gəzintilər, xüsusilə gün batımında çox təsir edici bir təcrübə yaşamaq mümkündür.

Bakı Kristal Zalı

"Baku Crystal Hall" beynəlxalq musiqi və mədəniyyət tədbirləri ilə tanınan məkandır. Müasir memarlıq üslubu ilə seçilən bu yer həm də böyük konsertlər və tədbirlər üçün məşhurdur.

Təzə bazar

Bakının ən qədim bazarlarından biri dedikdə, ağla ilk olaraq Təzə Bazar gəlir. Burada yerli məhsulları almaq üçün ideal məkandır.

Azərbaycan Dövlət Rəsm Qalereyası

Azərbaycanın zəngin mədəni irsini təmsil edən muzeylərdən biri də Azərbaycan Dövlət Rəsm Qalereyasındadır. Burada həm Azərbaycan, həm də beynəlxalq rəssamların əsərlərini görəcəksiniz. Mədəniyyətlə maraqlananlar üçün bu yer unikallıq nümayiş etdirir.

Fəvvarələr Meydanı

Bu meydan Bakı şəhərinin tarixi mərkəzidir. Fəvvarələlər Meydanı həm turistlər, həm də yerli əhali üçün əla istirahət məkanı kimi qiymətləndirilir. Buradakı fəvvarələr isti yay günlərində insanlara təmiz nəfəs verir.

Bakı gəzməli yerləri saymaqla bitirmək mümkün deyil. Paytaxtımızın hər bir məkanı özünəməxsus gözəlliyi ilə tanınır və sizə şəhərin zəngin mədəniyyətini daha dərindən dərk etməyə imkan verir.