Antalyada gəzməli yerlər

Antalya, Aralıq dənizi sahillərində yerləşən, həm tarixin, həm də təbiətin ən gözəl anlarını paylaşan açıq səma altında muzey tipli şəhərdir. Şəhərdə atdığınız hər addım sizi zamana səyahətə aparır. Tarixi məkanların qalıqları, dərin mavi dənizin gözəlliyi sizi sehrli atmosferlə tanış edir. Antalya sadəcə istirahət mərkəzlərindən ibarət deyil. Hər küncdə gizli bir macəra, kəşf olunmağı gözləyən bir gözəllik mövcuddur. Tur.az Antalyada təbiətin qucaqladığı məkanları təqdim edir.

Kaleiçi

Antalyanın tarixi ürəyidir. Kaleiçinin dar küçələrində gəzərək Osmanlı dövrü evlərinin zərif memarlığının şahidi ola bilərsiniz. Hər küncdə rast gəldiyiniz qədim daşlar tarixlə sizi tək qoyur. Yivli minarəsi və Hadrian qapısı kimi simvolik quruluşları da görmək maraqlıdır. Bu ərazi həm də sevimli kafeləri və suvenir mağazaları ilə seçilir.

Düdən şəlaləsi

Düdən şəlaləsi Antalya şəhər mərkəzindədir. Təbiətin gurultulu şəlaləsi ilə qarşılaşmaq istəyənlər üçün uyğundur. Qayalardan axan suyun yaratdığı vizual görüntü bu möhtəşəm təbiət gözəlliyini ziyarət edənlərə üçün maraqlı bir səyahət təklif edir.

Konyaaltı çimərliyi

Dəniz, qum və günəş axtarırsınızsa, Konyaaltı çimərliyi sizi gözləyir. Şəhərin mərkəzinə yaxın olması üstünlükdür. Çimərlik boyunca gəzmək imkanı, ətrafdakı kafe və restoranlarda vaxt keçirmək hər kəsə ayrı bir zövq yaşadır. Xüsusilə axşam saatlarında günəşin batmasını seyr etmək ecazkardır.

Olimpos və Çıralı

Deyilənlərə görə, Çıralıdakı Yanardaş qədim zamanlardan bəri əbədi yanar atəşi ilə adından söz etdirir. Olimpos Antik Şəhərin xarabalıqları arasında gəzərkən həm tarixin, həm də dənizin qoxusundan faydalanın. Çıralı sahilində dənizdə çimdikcə möhtəşəm təbiət sizinlə olur.

Aspendos

Aspendos Qədim Şəhərində Roma İmperiyası dövrünün ən yaxşı qorunmuş teatrı yerləşir. Buranı ziyarət edə bilərsiniz. Teatrda akustika o qədər əladır ki, hələ də maraqlı tədbirlər keçirilir. Taşaların keçirildiyi vaxta təsadüf etsəniz, qədim atmosferdən həzz alın.

Termessos

Termessos Toros dağlarının zirvələrində salınmış qədim şəhərdir. Möhtəşəm yer alpinizmlə maraqlananlar üçün çox cəlbedicidir. Eyni zamanda, təbiətin qədim abilədərini görmək maraqlı səyahət təklif edir.

Perge

Qədim Romanın əzəmətini əks etdirir. Perge şəhərində stadion, hamam, a1ora kimi möhtəşəm tikililərlə tanış ola bilərsiniz. Bununla yanaşı, bölgə arxeoloji qazıntılar və kəşflərlə də doludur.

Manavqat şəlaləsi

Antalyanın gözəlliklərindən biri də Manavqat şəlaləsidir. Bu şəlalə həm təbiətsevərlər, həm də fotoqrafiya həvəskarları üçün alternativ fürsət təqdim edir. Sakit bir havada gəzə və onun sərin suları ilə dincələ bilərsiniz.

Gömbe Yaylası

Antalyanın yüksək yaylalarından biri də Gömbe Yaylasıdır. Burada dağlar və yaylalar arasında gəzinti sizin üçündür. Yerli ləzzətlərdən dadıb əhalinin kənd həyatını kəşf edə bilərsiniz.

Antalya Akvarium

Antalya Akvarium təkcə uşaqlar üçün deyil, hər yaşda olan səyahətçilər üçün maraqlıdır. Dünyanın ən uzun tunel akvariumunda gəzərkən, dəniz canlıları ilə tanıyacaqsınız. Okeanların dərinliklərinə səyahət etmək fürsətini qaçırmayın.

Antalya Marina

Aralıq dənizinin dinc mənzərəsində lüks yaxtalar və qayıqlarla əhatə olunub. Antalya Marina şəhərin müasir simasının güzgüsü hessab olunur. Liman boyunca gəzərkən və gün batımını seyr edə, Aralıq dənizinin gözəl havasından həzz alın.

Göllər Bölgəsi

Antalyanın qərbində yerləşir. Göllər Bölgəsi gölləri, yaylaları və bənzərsiz təbiəti ilə xoş istirahət bəxş edir. Burada həm təbiətdə gəzintilər edə, həm də yerli kəndlərdə sakit bir tətil keçirəcəksiniz.