Astarada gəzməli yerlər

Astara Azərbaycanın cənubunda yerləşən, həm tarixi, həm də təbii gözəllikləri ilə dolu olan mühüm rayondur. Zəngin mədəni irsi, bənzərsiz təbiət mənzərələri və tarixi tikililəri ilə bu rayon həm yerli, həm də xarici turistlərin evinə çevrilib. Onun tarixi qədim dövrlərə gedib çıxır. Strabon bu bölgə haqqında yazılarında Astaranın təbiətinə və iqliminə dair fikirlərə yer vermişdir. Astaranın bənzərsiz təbiəti tarix boyu bir çox sivilizasiyalara ilham verib. Bu bölgədə çoxlu tarixi binalar, mədəni irs var. Tur.az Astaranın gözəlliklərini sizlərə təqdim edir.

Yanar Bulaq və Termal sular

Astara təbii sərvətlərindən biri də rayonun mineral və termal su ehtiyatlarıdır. Bu ərazidə ən diqqətəlayiq yerlərdən biri də Ərçivan şəhərində yerləşən, kükürdlü su və metan qazı ilə məşhur olan Yanar Bulaq kompleksidir. Qaynar sudan ayrılan metan qazı suya yaxınlaşdıqda alovlanır. Bununla birlikdə, təbii yanğın mənbəyi yaradır. Bu xüsusiyyət əraziyə gələn qonaqlar üçün maraqlı anlar yaşadır. Bu suyu içmək mümkündür və insanlar sağlamlıq üçün bu suya üstünlük verirlər.

Hirkan Milli Parkı

Astaranın ən mühüm təbiət ərazilərindən biri Hirkan Milli Parkıdır . Bu park nadir flora və fauna ilə zəngindir. Parkın əsas təbbi sərvəti əksəriyyəti Astara rayonuna aiddir. Burada nadir və Qırmızı Kitaba düşmüş dəmir ağacları kimi endemik bitkiləri görmək şansınız olacaq. Bundan əlavə, parkda yaşı 200-300 il olan ağaclara rast gələcəksiniz. Bu ərazi təbiətsevərlər üçün cənnət kimidir.

Astara bulvarı

Astaranın müasir siması sayılan Astara Bulvarı rayonun mədəni və turistik cazibəsini gücləndirir. Bu bulvar Xəzər dənizinin sahilləri boyunca 1 kilometr uzanır. Bulvar bir çox müxtəlif fəaliyyətlər təklif edir. Uşaqlar üçün oyun meydançaları, velosiped yolları, dəniz mənzərəli kafe və restoranlar kimi sosial obyektlər mövcuddur. Ziyarətçilərin bura məmnuniyyətlə baş çəkmələri tövsiyə olunur. Bundan əlavə, gecə işıqlandırması və estetik teksturası buranı çox cəlbedici hala gətirir.

Məhəmməd Hənəfiyyə məscidi

Astaranın tarixi tikililərindən biri də Ərçivan şəhərində yerləşən Məhəmməd Hənəfiyə məscididir. 1499-cu ildə tikilmiş bu məscid bütün tarixi boyu önəmli yer tutmuşdur. Şah İsmayıl Xətainin 1499-cu ildə burada namaz qıldığı iddia olunur. Bu məscid rayonun mənəvi dəyərini simvolizə edir.

Kərbəlayi Həmid Abdulla hamamı

Kərbəlayi Həmid Abdulla hamamı 1806-cı ilə aiddir. Bu abidə Astaranın ən böyük hamamıdır və yerli əhalinin gündəlik həyatında mühüm yer tutur. Hamam ənənəvi üslübla tikilib və ağacla qızdırılan xüsusi sistemlə işləyir. Burada müxtəlif günlərdə kişilər, qadınlar və gənclər üçün xüsusi hamam seansları təyin olunur. Hamamın memarlığı və daxili quruluşu ənənəvi türk hamamı mədəniyyətinin görkəmli nümunəsidir.

Ləm: Yay evləri

Astaranın Ləm tikililəri bölgəyə xas memarlıq ab-havası qatır. 1906-cı ildə tikilmiş Ləmdən yerli əhali yay aylarında sərinlik üçün istifadə edir. Burada qonaq qəbul etmək, yemək yemə və dincəlmək ənənə halını alıb. Bundan əlavə, bu bina "Ulduz" filmində mühüm səhnələrin çəkildiyi məkanlardan biri olub.

Sım kəndi

Astaranın ən məşhur turizm kəndlərindən biridir. Vulkanik daşlarla dolu olan bu kəndin açıq səma altında muzey kimi təsiri var. Sim, təbiətin təqdim etdiyi bütün gözəlliklərə ev sahibliyi edir. Buradan Sım və Dustaqana şəlalələrinə piyada getmək olar. Şəlalələrə nəqliyyat vasitəsi ilə çatmaq mümkün deyil, lakin bu gəzinti təbiətlə təmasda bir təcrübə təqdim edir.

Hamoşam kəndi

Hamoşam kəndini birlikdə tanıyaq. Bu kənddə Sovet İttifaqının ən gənc qəhrəmanlarından biri Mirzə Cəbiyev dünyaya göz açıb. Kənddə aşkar edilmiş kişi və qadın heykəlləri rayonun tarixi-mədəni zənginliyindən xəbər verir. Hamoşamda Sepestenux mağarası 1600 metr hündürlükdə dağlarda yerləşir.

Kafu qalası

Hamoşam kəndindən 6 kilometr aralıda yerləşən Kafu qalası köhnə hərbi tikili kimi istifadə olunub. Babək tərəfindən ərəb işğalçılarına qarşı mübarizədə sığınacaq kimi istifadə edildiyi güman edilən bu qala böyük tarixi əhəmiyyətə malikdir. Qalanı ziyarət etməklə Astaranın hərbi keçmişi haqqında məlumat əldə edə bilərsiniz.

Şindan qalası

Şindan qalası VII əsrə aid tarixi tikilidir. 1826 metr hündürlükdə olan bu qala İran sərhəddinə yaxın ərazidə yerləşir. Babəkin strateji nöqtələrindən biri kimi tanınır. Qalaya gedən yolda tarixi qəbir daşları və maraqlı arxeoloji qalıqlarla rastlaşa bilərsiniz.

Siçr şəlaləsi

Astaranın ən hündür və ən sirli şəlaləsidir. Vaxt tələb edən bu şəlaləyə ancaq təcrübəli bələdçi ilə çatmaq olar. Şəlalənin ətrafındakı qəbiristanlıq bölgənin qədim zamanlardan bəri tarixi sirrini özündə saxlayır.