Xaçmaz Turu
Xaçmaza səyahət etmək istəyənlər bizə müraciət etsinlər. Xacmaz tur qiymetleri ilə Tur.az saytında tanış olun. Ən ucuz daxili turlar bizdə!
Xaçmaz rayonu Azərbaycanın qədim tarixi, zəngin mədəniyyəti və gözəl təbiəti ilə seçilən bölgəsidir. Bu üstünlüklərinə görə o, uzun müddətdir ki, turistləri özünə cəlb edir.
Xaçmazın tarixi və təbiəti ilə Tarix-Diyarşünaslıq Muzeyində daha yaxından tanış ola bilərsiniz. Heydər Əliyev Seyrəngahı Xaçmazın xüsusi qürurudur, hətta paytaxtda rast gələ bilməyəcəyiniz parklardandır. Böyük heykəlləri, nəfis fəvvarələri və ekzotik bitkiləri olan Xaçmaz parkları sürprizlərlə dolu bu şəhərin hətta görüb-götürmüş qonaqlarını belə heyrətləndirə bilər.
Adını "Koroğlu" dastanından götürən Çənlibel parkı da Xaçmazın görməli yerlərindən biridir. Parkın mərkəzi fiquru Qıratın belində oturmuş əli qılınclı Koroğlunun abidəsidir. Parkdakı divarlarda dastana və tarixə aid müxtəlif freskalar təsvir edilib.
Bakıdan 229 kilometr və Xaçmaz rayonunun inzibati mərkəzindən 43 kilometr məsafədə, Xəzərin sahilində yerləşən Nabran qəsəbəsi bəlkə də Azərbaycanın ən məşhur kurort zonasıdır. Bu şöhrət təsadüfən yaranmayıb. Burada çoxsaylı dəniz çimərlikləri, kölgəli meşələr, sərin və isti bulaqlar, mənzərəli körfəzlər bir-biri ilə uzlaşır. Kimi dəniz kənarında qızılı qum üstündə özünə günə verməyi, kimi meşədə gəzməyi xoşlayır.
Xacmaz turlarinin qiymeti ilə tanış olmaq üçün bizə müraciət edin!